Güyre

Gharghuleš dja döxu delxadeš vay vovšex qhastar,
Bezaman mazhdella gha ögu šiylaçu kiyra.
Qin cxha a huma dac oylane san bjärgaš qhasta,
Qhanlo so, qhezhlo so, dottagha, išttaçu diynaxh.

Oylane theyoghu qu noxçiyn yartaškaxh güyre,
Gergara, genara la döghu, sa tüysu zama.
Dolalo xhannašca mozhaçu ghayghane tüyra,
Deza xhan qhäxhaçu sobarca sadetta jama.

Mila vu dog eca sa tedaš ištaçu xenaxh,
Daxaro qhastiyna dottagha ullexh ca xilça.
Arenan nazmanaš aš oyla xhöstur yu ghenaxh,
Xillaçiyn, xindolçiyn dozanexh cxhalxa caj visça.

Annalexh çeq yulluš djateqa gharghuliyn asa,
Xetalo düne a cünga ladöghnaçoxh tiyna.
Djaöxu delxadeš, qayqadeš vay vovšex qhastar,
Qhanlo so, qhezhlo so, dottagha išttaçu diynaxh.

Apti Bisultanov

—————————————————————————

Гюйре

Г1арг1улеш д1аоьху, делхадеш вайн вовшех къастар,
Безаман мажделла г1а оьгу шийлачу кийра.
Кхин цхьа а х1ума дац ойлане сан б1аьргаш хьаста,
Къанло со, къежло со, доттаг1а, ишттачу дийнахь.

Ойлане т1ейог1у кху нохчийн ярташкахь гуьйре,
Гергара, генара ладоьг1у, сатуьйсу зама.
Долало хьаннашца можачу г1айг1анийн туьйра,
Деза хьан къаьхьачу собарца садетта 1ама.

Мила ву догъэцан, хьо теван ишттачу хенахь,
Дахаро къастийна доттаг1а уллохь ца хилча.
Аренан назманаш, аш ойла хьоьстур ю хьенан,
Хиллачун, хиндолчун дозанехь цхьалха цхьаъ висча.

Аналлех чекхъюьйлуш, д1атекха г1арг1улийн аса,
Хетало дуьне а, цуьнга ладоьг1начохь, тийна.
Д1аоьху, делхадеш, кхайкхадеш вайн вовшех къастар.
Къанло со, къежло со, доттаг1а, ишттачу дийнахь.

Апти Бисултанов