Iordanex Oylanaš

Iordani, Iordani…
Gene, suna ganza moxk.
Baxnarš, tesna bašlam, are,
Muxa bexa xhuna çoxh?

Yicyelliy-te Kavkaz carna?
Dicdelliy-te šovdanaš?
Daraxh yuy-te carax cxhannä,
Växna yurt, ya dedayn kaš?

Derrige ya dic a Della,
Malxo bottuš, bocu-te?
Ya irs löxuš, xhävdda lella,
Ghamarš keroš dokqu de?

Yicyelliy-te tulgheš Terkan?
Daraxh duy-te Orga xi?
Xezça xalqhan illi dekaš,
Xhodiy texha bjargex xi?

Maršo yocuš, Daymoxk bocuš,
Xiyra maxkaxh disi-te?
Lovzarš xädda, xelxarš docuš,
Satiysaran yayna ċe?

Lardelliy-te ghillaq qhoman?
Bicbelliy-te nenan mott?
Parghato a vayn day loma,
Qaçar xäiy, yoy-te çot?

Asa boxu: delxiytiyša,
Dašo dogha qeçanxha,
So sayn maxkaxh aš bitiyša,
Thulgaš delxarx, billarx ša.

Iordani, Iordani…
Suna ganza xiyra moxk.
Baxnarš xiš a müyluš lämniyn,
Muxa bexa xhuna çoxh?

_______________________________________________

Иорданех ойланаш

Иордани, Иордани…
Гене, суна ганза мохк.
Бахнарш,тесна Башлам аре,
Муха беха хьуна чохь?

Йицъеллий- те Кавказ царна?
Дицделлий- те шовданаш?
Дагахь юй- те царех цхьанна
Ваьхна юрт, я дедайн каш?

Дерриге я дицц а делла,
Малхо боттуш боцу- те?
Я ирс лоьхуш, хьовдда лелла,
Г1амарш кегош доккху де?

Йицъелли те тулг1еш Теркан?
Дагахь дуй- те Орга-хи?
Хезча халкъан илли декаш,
Хьодий техьа б1аьгех хи?

Маршо йоцуш, Даймохк боцуш,
Хийра махкахь диси- те?
Ловзарш хаьдда, хелхарш доцушь,
Сатиссарна яйна- те це?

Ларделлий- те г1иллакх къоман?
Бицбеллий- те ненан мотт?
Парг1ато а вай дай лома
Кхачар хаьий, йой- те чот?

Асса боху: делхитийша
Дашо дог1а кхечанхьа.
Со сайн махкахь аш витийша,
Т1улгаш делхарх, билларх ша!

Иордани, Иордани…
Суна ганза хийра мохк.
Баьхнарш хиш а муьлуш лаьмний,
Муха беха хьуна чохь?